ILOILO CITY– Magapabilin nga temporaryo nga parkingan sang mga salakyan sang mga opisyal sang Iloilo City Government ang Dela Rama St. sa Plaza Libertad.
Sa interview sang Bombo Radyo kay Iloilo City Mayor Jerry Treñas, iya ginpahayag nga sa subong, magapabilin nga parkingan sang mga salakyan ang nasambit nga dalan.
Suno kay Treñas, ginapadasig na nila ang proseso agud mapatindog na ang building sa diin ipahamtang ang parkingan sang Iloilo City Government.
Dugang pa sang natungdan, magapatukod ang Iloilo City Government sang 7-storey legislative building sa diin ang first floor ang magaserbe nga opisina agud indi mabudlayan ang mga pumuluyo sa pagproseso sang ila kinahanglanon nga mga dokumento.
