ILOILO CITY- Na-identify na sang pamunuan sang Iloilo Terminal Market ang mga delinquent nga mga Pwesto sa sulod sang nasambit nga merkado.
Sa interview sang Bombo Radyo kay Mr. Eric San Agustin, market incharge sang nasambit nga merkado, iya ginpahayag nga napasa na nila sa Local Economic Enterprise Office ang listahan.
Suno kay San Agustin, ang iban ang wala nakabayad sang pila ka tuig kag ginpabay-an nalang.
Pahayag pa ni San Agustin nga wala pa natapos ang proseso sang mga stalls humalin pa sang 2014.
Kun may mga stalls naman nga nakapangalan sa isa ka vendor kag may yara sang interesado nga magbakal, kinahanglan nga mabalik ini anay sa gobyerno agud indi mangin delinquient.
