ILOILO CITY– Ginapaabot na sang Iloilo City Government ang delivery sang gatas nga ginbakal para sa mga kabataan sa syudad sang Iloilo.
Sa interview sang Bombo Radyo kay Iloilo City Mayor Jerry Treñas, iya ginpahayag nga kun makaabot na ang delivery, ini ang igahatag gilayon.
Suno kay Treñas, kinahanglanon sa subong ang gatas para sa nutrisyon sang mga kabataan ilabi na nga may pandemic.
Ginpahayag ni Treñas nga nakabatun siya sang donasyon sang diaper nga igahatag man sa kabataan nga nagakinahanglan.
Samtang, magapamakal man sang hygiene kits nga ginalakipan sang habon, sipilyo, toothpaste kag sanitary pads.
