ILOILO – Nagalab-ot na sa kapin P40 million ang balor sang Dengue commodities ang napanghatag sang Department of Health sa Western Visayas.
Sa interview sang Bombo Radyo kay Department of Health Secretary Francisco Duque III, ang mga Dengue commodities ang ginalakipan sang rapid diagnostic tests, adulticides, larvicides, insecticide-treated mosquito nets kag screens, oral rehydration solution spray cans kag misting machines.
Magluwas diri, ginpahayag man ni Duque nga naglab-ot sa 299 ka Human Resources for Health ang temporaryo nga ginpang-assign sa mga provincial kag district hospital sa rehiyon agud nga magbulig sa pagtatap sa mga pasyente.
Magluwas sa mga nasambit nga bulig, ginpasalamatan man sang tiglikom ang mga partner agency nga naghatag sang bulig.
Sa nagadamu nga pasyente, nagpanawagan ang tiglikum sang proactive measures sang tagsa ka Local Government Unit agud nga matapna ang pagduging sang nasambit nga balati-an.
