Nagnubo ang kaso sang Dengue Hemorrhagic Fever sa Western Visayas.
Sa interview sang Bombo Radyo kay Dr. Carl Diesca, Medical Officer III kag Dengue Coordinator sang Department of Health (DOH) Region VI, iya ginpahayag nga santo sa ila nga data sang Enero 1 tubtob Hulyo 17 sang sini nga tuig, nagnubo sa 1,042 ang kabug-usan nga kaso sang Dengue Hemorrhagic Fever sa rehiyon ipaanggid sa indi magnubo sa 3,000 nga kaso sang amo man nga mga petsa sang tinalikdan nga tuig.
Suno kay Diesca, nagnubo sa 14 percent ang kaso sang nasambit nga balatian sa syudad sang Iloilo kag 56 percent naman ang pagnubo sa Iloilo Province.
Sa pihak sini, nagpaandam si Diesca sa publiko nga indi mangin kampante bangud tig-ululan na kag kun indi mangin mahinalungon ang tanan batok sa lamok, posible nga magatimbuok ang kaso sang Dengue Hemorrhagic Fever nga nagahalin sa amo nga insekto sa diin ang masami nga target sang balatian amo ang mga kabataan nga naga-edad isa tubtob 10 ka-tuig.
