ILOILO CITY – Daku ang negatibo nga epekto nga gintuga sang Dengvaxia controversy.
Sa exclusive interview sang Bombo Radyo kay anay Department of Health (DOH) Sec. Janette Garin, iya ginpahayag nga may yara sang negatibo nga epekto sa iya pagkatawo, pamilya, kag kandidatura ang natabo nga Dengvaxia controversy.
Ini bangud nga suno kay Sec.Garin, ginasakyan sang iban nga pulitiko ang Dengvaxia controversy agud nga patalangon ang publiko.
Magluwas diri, indi lamang siya ang apektado sa nasambit nga kontrobersiya kundi ang iban nga pa gid nga medical experts.
Ginpahayag ni Sec. Garin nga mas mabaton pa niya kun siya lang ang naapektuhan apang indi niya mabaton nga ang iban nga health experts ang apektado man sa nasambit nga hitabo.
Ang natabo nga kontrobersiya suno sa natungdan ang nagtuga sang kakugmat sa tanan rason nga ang health experts ang nadudla-an na sang gana nga magbulig sa publiko ilabi na kun vaccination program ang pagahambalan.
