Ginapaabot nga makaguwa na subong nga semana sa Correctional Institution for Women (CIW) sa Mandaluyong City ang anay modelo nga si Deniece Cornejo nga nagapangatubang sang kaso nga serious illegal detention.
Base ini sa order nga ginpaguwa sang Court of Appeals sang Byernes, Setyembre 25.
Si Cornejo ang ginpasakaan sang kaso sang actor nga si Vhong Navarro matapos gin-akusaran ni Cornejo si Navarro nga nagpanghimulos sa iya sang 2014 matapos ini nga nagpadulong sa iya condominium.
Apang sa panaysayon naman sang actor, sang nagpadulong sya sa condo ni Cornejo, may ara sila sang indi pag-intindihanay sa mga kaupod sini kag didto na sya nga ginsakit, gindala sa police station, kag ginpilit nga mag-ako nga ginhimuslan nya ang anay modelo nga nagtuga man sang pagkapreso sang actor.
Nahibaluan nga tuig 2024 sang naconvict si Cornejo kaupod ang iban pa nga mga akusado.
Base sa legal counsel ni Cornejo nga si Atty. Ferdinand Topacio, ginapaproseso na ang kinahanglanun nga dokumento agud makaguwa na ini sa presohan.
