Gin-untat na sang Denmark ang paggamit sang AstraZeneca COVID-19 vaccines bangud sa reported blood clots.
Suno kay Bombo International Correspondent Anna Mae Andersen direkta sa Denmark, may yara sang duha ka mga blood clot cases sa pungsod sa diin isa diri ang ginbawian sang kabuhi matapos mabakunahan sang AstraZeneca.
Sang tinalikdan nga semana, ginpahayag sang European Union’s drug watchdog nga posible may yara sang kaangtanan ang bakuna kag ang blood clot cases.
Mangin si Andersen ang nakabaton man sang 1st dose sang AstraZeneca vaccine kag natalana kuntani ang iya 2nd dose sa Abril 22.
Apang bangud gin-untat na ang pagpangbakuna gamit ang nasambit nga vaccine, magaliwat sila sa una nga dose gamit naman ang Pfizer ukon Moderna.
Kapin isa na ka milyon nga mga tawo sa Denmark ang nabakunahan samtang ginabanta 150,000 diri ang nakabaton sang AstraZeneca vaccines.
