Nakabaton sang pagpakamalaot ang actor-comedian nga si Dennis Padilla bangud sa role sini sa isa ka pelikula tuhoy sa Lesbian, Gay, Bisexual, Queer (LGBTQ) Community.
Apang suno kay Dennis, mataas ang iya respeto sa mga myembro sang LGBTQ Community ilabi na nga ang iya anak nga babaye ang nagpakasal sa kaangay man sini nga babaye.
Gani pahayag niya, wala sang rason nga maakig ukon ma-offend ang mga myembro sang LGBTQ sa iya.
Nahibaluan nga ginkasal ang anak ni Dennis nga si Dianne, 30 anyos, sa Estados Unidos.
Depensa sang aktor, indi niya masarangan nga bastuson ang LGBTQ bangud palangga niya ang iya anak nga legal nga kasado sa California.
