Ginpasidunggan ang aktor nga si Dennis Trillo bilang Asia’s Best Actor in a Leading Role sa Asian Academy Creative Awards bangud sa tumalagsahon sini nga ginpakita sa pag-arte sa papel nga Domingo Zamora sa pelikula nga “Green Bones.”
Nalapawan sini ang pila ka bantug nga aktor sa Asia nga sanday Jacob Elordi para sa “The Narrow Road to the Deep Road” kag Park Bo Gum sang Soth Korea.
Ang “Green Bones” amo ang opisyal nga entry sa Metro Manila Film Festival 2024, kun sa diin nagdaug man ini sang madamo nga awards, upod ang Best Actor para kay Trillo, Best Supporting Actor para kay Ruru Madrid, kag Best Picture.
Nagdaug man si Trillo sang Gawad Urian sang Oktubre subong nga tuig para sa amo man nga papel sa nasambit nga pelikula.
