ILOILO – Nagpaguwa sang mandu ang Department of Environment and Natural Resources Office tuhoy sa pagdumili sa paghatag sa mga baboy sang mga bilin
nga pagkaon ukon damogn may kaangtanan sa African Swine Fever outbreak sa Luzon.
Sa interview sang Bombo Radyo kay Department of Environment and Natural Resources Sec. Roy Cimatu, iya ginpahayag nga ginadumili-an ang pagpakaon sang damog sa mga baboy ilabi na ang mga may yara sang piggery.
Suno kay Cimatu, ang nasambit nga mandu ang napalab-ot na sa tagsa ka Regional Office sang Department of Environment and Natural Resources Office.
Ginpahayag ni Cimatu nga indi man mahinago nga may yara sang nagakompra sang mga bilin nga pagkaon gikan sa mga restaurant kag ini ang gina-deliver sa mga piggery agud nga idamog sa baboy.
Ang bilin ukon pan-os nga pagkaon suno kay Cimatu ang may yara sang bacteria kag indi mahimo nga ipakaon sa baboy bangud nga ini ang mahimo nga tunaan sang African Swine Fever.
