Iloilo City – Ginaselebrar subong nga bulan sang Pebrero ang Oral Health Month agud hatagan sang importansiya ang oral health.
Sa interview sang Bombo Radyo kay Dr. Daishiela Valasote, Iloilo City Dental Officer, iya ginpahayag madamo sang aktibidad ang nakalinyada para sa syudad agud maghatag sang igtalupangod sa dental health ilabi na para sa kabataan nga amo ang sentro subong nga bulan.
Isa sa mga patigayunon nga aktibidad amo ang Search for Orally-Fit Child nga bukas sa tanan nga day care centers sa syudad.
Suno kay Valasote, nagakabalaka ini sa lapnagon nga presensya sang peke nga ortho practice nga tuyo pang-ginansyahan ang publiko nga luyag magpatakod sang brace ukon retainer apisar wala ini sang mga lisensya.
Dugang pa sang natungdan, nagakadapat gid lamang sa amo nga tion, nagakadapat nga hatagan sang prayoridad ang oral health education agud indi maintuan.
Samtang, nagpanugyan naman si Valasote sa mga kabataan nga indi pagbay-an ang mga ngippon bangud ang tuman nga pagpabaya ang magaresulta sa rheumatic heart disease.
Nahibaluan nga ang Oral Health Month ukon mas kilala bilang Philippine Dental Health Month, ang una nga ginaselebrar sang Pebrero 3 tubtob 9 base sa Proclamation No. 235 nga gin-issue ni former President Elpidio Quirino sang Enero 24, 1951.
