ILOILO CITY – Natumbahan sang poste ang depampasahero nga jeep, taxi kag porsyon sang balay sa Zone 1 Caingin, LaPaz, Iloilo City.
Sa interview sang Bombo Radyo kay Ramon Haresco, tag-iya sang balay nga natumbahan, iya ginpahayag nga ginkakibot lamang sang iya anak nga may nag lagabong na halin sa atop sang ila balay.
Ang poste ang human sa semento apang nautod gid ini.
Suno kay Haresco, ginkulbaan siya bangud sa iya pagdumdom na ipit ang driver sa sulod sang iya nga jeep apang maswerte ini nga nakaguwa.
Buka ang windshield sang salakyan bangud ang poste ang nagbalabag sa dalan sa diin sa una nga bahin sang jeep ini nagtupa.
Wala naman sang damage ang taxi.
Dugang pa sang tag-iya, nalusbot ang atop sang ila balay nga nagasentro sa kwarto sang iya anak.
Nagapangabay naman si Haresco sa Panay Electric Company nga buligan ini sa pagpakaayo sang ila nga atop.
