Temporaryo nga gindumilian sang Department of Agriculture (DA) ang pag-import sang poultry kag wild birds gikan sa France kasunod sang mga report nga nagluntad ang avian flu outbreak sa European country.

Nagasakop man sa banning ang mga kargamento sang buhi nga manok, mga chicken products, kag mga by-product, lakip ang isa ka adlaw nga mga piso kag semilya.

Gin-anunsyo man sang DA ang pagdumili pagkatapos nga ginreport sang Pransia sa World Organization on Animal Health ang outbreak sang High Pathogenicity Avian Influenza sang Agosto 7.

Ang mga tests sa laboratoryo nagkumpirma sang impeksyon sa bird flu.

Magapabilin naman ang import ban tubtub nga ma-lift ini sang DA.

Nahibaluan nga ang France nagpadala sang 150,752 kilograms sang mga produkto sang manok sa Pilipinas sa tunga-tunga sang Enero tubtob Agosto subong nga tuig.