Hugot nga ginamonitor sang Department of Agriculture (DA) Region 6 ang nagasulod nga pork products sa Western Visayas.
Sa interview sang Bombo Radyo kay DA regional diector Remelyn Recoter, iya ginpahayag nga sa gihapon nagapabilin nga african swine fever (ASF) free ang rehiyon.
Suno kay Recoter, bantay sarado ang mga port of entries sa Western Visayas ilabi na sa bahin sang Caticlan.
Wala naman nagaduha-duha ang DA nga i-confiscate ang mga produkto nga ginpasulod sa rehiyon nga naghalin sa ASF affected areas.
Suno kay Recorter, makapila na ka beses nga nagpagwa sang abisu ang DA nga ginadumili-an ang mga pumuluyo nga mag-transport sang pork products halin sa african swine affected areas.
Padayon man ang monitoring sang DA sa online selling sang frozen kag pork products.
Nagpanugyan man ang DA sa publiko nga likawan nga magbakal sang pork products online bangud wala nahibalu-an kun diin ini naghalin nga lugar.
Mahimo man nga mangatubang sang pila ka sanction ang mga violators depende sa executive order ukon pagsulundan sang tagsa ka probinsya
