ILOILO CITY-Plano sang Department of Agriculture (DA) nga maglunsar sang pinakauna sini nga border control facilities para sa imported animal kag plant products sa una nga bahin sang 2025, agud malikawan ang pagsulod sang balatian kaangay sang Q fever.
Suno kay Agriculture Secretary Francisco Tiu Laurel Jr.,ang Cold Examination Facility for Agriculture (CEFA) ang indi lang makabulig likaw sa ano man nga food contamination outbreaks apang makapahagan-hagan man sang smuggling activities nga makahalit sa palangabuhian sang local farmers.
Ang Cold Examination Facility for Agriculture project nga nagabalor sang P1.2 billion kag partner diri ang International Container Terminal Services Inc. (ICTSI), amo ang magadumala sang cold storage facilities.
Ang una nga lima ka Cold Examination Facility for Agriculture ang magasugod man sang sanitary kag phytosanitary inspection sang animal, fish, plant kag iban nga agricultural outputs.
Pahayag ni Tiu Laurel,sa subong padayon ang pagpatukod sang private contractors sang Cold Examination Facility for Agriculture sa Angat, Bulacan kag ginaproseso man ang equipment procurement agud malab-ot ang operational timeline.
Ang iban nga pasilidad ang ipatukod sa Septyembre 2025 sa Manila, Subic, Davao kag General Santos City.
