Ginpasalig sang Department of Agriculture nga mangin available, affordable kag accessible ang suplay sang baboy sa merkado.
Ini ang kasunod sang mga report nga ginabaligya ini sa balor nga P420 kada kilo.
Suno kay Agriculture Undersecretary Deogracias Victor Savellano, kuntani indi magpamentaha ang mga negosyante kag indi pag-irason ang naglabay nga bagyo sa pagmahal sang karne sang baboy.
Ginpahayag ni Savellano nga personal siya mismo nga nagpadulong sa mga merkado agud hibaluon ang presyo sang manok kag baboy.
Diri kag nahibaluan niya nga ang kasim ukon abaga sang baboy ang ginabaligya sa
P263 tubtob P380 kada kilo, samtang ang liempo naman ukon buy on sang baboy ang ginabaligya sa P345 kada kilo.
Ang manok ang ginabaligya naman sa balor nga P160 kada kilo.
Kaangot sini, nagpaandam si Savellano sa mga negosyante nga likawan ang paghingalit sa pagpataas sang presyo sang mga produkto nga pang-agrikultura.
“Pakiusap namin, huwag naman mag-take advantage sa situation, especially ngayon sinabi kanina may bagyo na nagyari sa Quezon. Baka may mag take advantage, huwag naman.”
