ILOILO CITY– Nakapanagtag na sang binhi ang Department of Agriculture (DA) sa tagsa ka banwa sa probinsya sang Iloilo nga naapektuhan sang El Nino.
Sa interview sang Bombo Radyo kay Mr. James Ogatis, information officer sang DA-6, iya ginpahayag nga sang bulan pa sang Mayo napanghatag ang binhi para sa mga mangunguma.
Suno kay Ogatis, ang nasambit nga binhi ang libre nga ginapanagtag.// Magluwas sa binhi, may yara man sang 11 ka mga granular applicator ang napanghatag sa tagsa ka banwa sa diin mahimo ini magamit sa pagsab-og, pagpang-abuno ukon pagpang-spray.
Agud makakuha sang binhi, dapat ang isa ka mangunguma ang aktibo nga miyembro sang isa ka farmers association kag nakalista ang pangalan sa Registry System for Basic Sector in Agriculture (RSBSA).
Kun indi naman miyembro sang asosasyon sang mga mangunguma, nagakadapat nga magkadto sa talatapan sang Municipal Agriculture sa tagsa ka banwa agud ma-certify bilang isa ka lehitimo nga mangunguma.
