ILOILO CITY – Gin-release na sang Department of Budget and Management (DBM) ang P1.081-billion nga pondo sa Department of Health (DOH) para sa compensation sang mga healhcare workers nga nagpositibo sa COVID-19 samtang nga nagatrabaho.
Ang mga healthcare workers nga magpositibo sa COVID-19 ang mahimo man makabaton sang nasambit nga benepisyo.
Ang mga healthcare workers kag non-healthcare workers nga nagpositibo sa COVID-19 nga gin-categorize bilang mild kag moderate ang makabaton sang P15,000 nga compensation samtang ang mga severe ukon critical cases ang makabaton sang P100,000..
Ang pamilya naman sang health personnel nga napatay bangud sang COVID-19 samtang nga nagatrabaho ang makabaton sang P1 million.
Suno sa DBM, ang classification sang elegible nga healthcare workers kag non-healthcare workers ang nakabase sa criteria nga gin-set sang health department.
Ang pondo ang i-charge sa regular budget sang DOH kag ang compensation ang i-transfer sa DOH-retained kag corporate hospitals, DOH treatment and rehabilitation centers, kag centers for health development, kag iban nga affiliated agencies kag institutions.
