ILOILO – Ginakasubo sang Department of Education ang pagkapatay sang apat ka mga manunudlo sa pagkulob sang MB Jenny Vince sa kalalawran sa tunga sang Iloilo kag Guimaras.
Ang pumpboat ang padulong na sa Iloilo gikan sa Buenavista, Guimaras sang natabo ang insidente sa diin sakay sanday Ma. Zeny Anilao, Lynlyn Janolino, Ivy Grace Labordo kag Maria Emilie Legarda.
Sa interview sang Bombo Radyo kay Atty. Fevi Fanco, Education Program Supervisor of DepEd-Iloilo, iya ginpahayag nga katuyuan kun tani sang mga manunudlo nga madugangan ang ila kaalam rason nga nagakuha ang mga ang mga biktima sang Master’s Degree sa Guimaras State University.
Suno kay Atty. Fanco, ginahulat pa sang Department of Education ang official report halin sa Lambunao National High School.
Dugang pa sang natungdan, isa ka dako nga kadulaan sa Department of Education ilabi na sa Filipino Department sang nasambit nga buluthuan ang pagkadula sang apat ka mga manunudlo.
