Gina-negosyar na sang Department of Energy (DOE) ang national government angut sa ginpadala nga request sang transport groups sa Iloilo City nga i-suspend ang tax sa mga produktong petrolyo.
Ini bangud nagaagunto na ang mga drivers sa sunod-sunod nga semana nga pagtaas sang presyo sang gatong.
Sa interview sang Bombo Radyo kay Mr. Raymundo ‘Boyet’ Parcon, presidente sang Iloilo City Loop Alliance of Jeepney Operators and Drivers Association (ICLAJODA), iya ginpahayag nga maapektuhan ang mga commuters kun sa liwat pasakaan ang plete.
Suno kay Parcon, nagapanagawan sila nga himuan ini sang lihok sang gobyerno bangud man sang pandemya.
Nahibaluan nga limitado man sa 70% sitting capacity ang mga Public Ulitilty Vehicles (PUV) sa diin gakadto lang sa gasolina ang ila nga kita.
Apisar may mga incentives kag subsidy nga ginahatag sa mga drivers, indi ini bastante kun ipaanggid sa ila nga kapyerdihan.
