ILOILO CITY- Nagpaandam ang Department of Health sa publiko nga indi basta-basta magpati sa mga galinapta nga anti-dengue drugs.
Ang nasambit nga paandam ang ginpagwa sang Department of Health sa ila pagpasaka sang national level alert sang sakit nga dengue bangud sa madamo nga kaso nganarekord sa nagkalain-lain nga bahin sang pungsod.
Sa interview sang Bombo Radyo Iloilo kay Health Secretary Francisco Duque III, iya ginpahayag nga madamo na ang nagapalapta nga ang tanom nga tawa-tawa ang isa sa mga bulong sa dengue.
Suno kay Duque, wala pa sang pagtuon ang Department of Science and Technology nga nagapamatuod nga ang tawa-tawa ang makabulig sa pagpaayo sa mga may yara sang dengue.
Mas maayo suno kay Duque nga nhulaton ang pagtuon sang mga siyentipiko tuhoy sa nasambit nga herbal nga bulong.
Ginklaro man sang natungdan nga wala pa sang bulong sa dengue.
