ILOILO CITY – Nagapanghanda na ang Department of Information and Communication Technology para sa posible epekto sang artificial intelligence development lakip na ang job displacement kag disruptions sa Filipino workforce.
Suno kay Secretay Ivan John Uy, masami siya nga ginapamangkot kun bala, ang artificial intelligence ang magabulos na sa tawo sa isa ka trabaho.
Ang sabat niya amo nga ang makabulos lamang sa isa ka tawo amo ang isa pa ka tawo nga nakahibalo nga maggamit sini.
Nagapati ang natungdan nga ini ang ma-address pinaagi sa pagtudlo kag paghanas sa mga trabahador nga magtrabaho upod ang artificial intelligence agud nga maka-adapt sila.
Dugang pa niya, may yara gid sang madulaan sang trabaho apang may yara man sang trabaho nga mahimo pa maubra gani importante ang training sa mga tawo.
