ILOILO CITY – Nagalaum ang Department of Labor and Employment (DOLE) nga mapasar sa 19th Congress ang mga measures nga naga-address sang problema sang informal economy sang pungsod.
Suno kay Atty. Karina Perida-Trayvilla sang Bureau of Workers with Special Concerns sang DOLE, ang Magna Carta of Workers for Informal Economy ang napaslawan nga makakuha sang go signal sa 18th Congress.
Ini na kuntani ang hagna para sa kabug-usan.
Partikular nga nakabutang sa hagna ang basic labor rights, maayo nga working condition kag working environment, access sa mga resources kaangay sang credit resources, credit facility, capacity-building trainings kag nagkalain-lain nga livelihood assistance programs nga ginalakipan sang emergency employment assistance.
Suno sa DOLE, 36.2 percent sang total nga 47 million employed Filipinos ukon 17 million workers ang na-belong sa informal sector.
Ini ang ginalakipan sang self-employed workers kaangay sang ambulant vendors, small transport workers kag wala nabayaran nga mga family workers nga nagabulig sa mga micro businesses kag ang iban ang nagikan sa agriculture sector.
Magluwas sa nagakita sang mas manubo sa minimum wage, madamo sang informal workers ang wala sang access sa social protection subong man sa desente kag indi delikado nga working environment.
Ang ini nga mga trabahante ang expose sa bayolente kag harrasment.
