ILOILO CITY – I-review sang Department of National Defense (DND) ang plano sang pungsod nga magbakal sang military helicopters sa pungsod Russia kasunod sang paglunsyar sang military attack sa Ukraine.
Una na nga nagpahayag si Defense Secretary Delfin Lorenzana nga magapadayon sa gihapon ang pagbakal sang pungsod sang multibillion-peso military equipment sa Russia apisar nga gin-denounce sang pungsod ang pag pang-atake sa Ukraine.
Suno kay Presidential acting deputy spokesperson Michel Ablan, ang pagbakal sang equipment ang yara sa jurisdiction sang Department of National Defense apang tun-an sang ahensya ang nasambit nga butang bangud sa nagapadayon nga tensyon sa Eastern Europe.
Base sa data, ang pungsod ang nagpirma sang kontrata sa Russian goverment sang ginabanta P12.7 billion nga Russian-made Mil Mi-17 heavy-lift helicopters.
Ang kontrata ang napirmahan sang Nobyembre, 2021 kag may yara na sang downpayment ang pungsod apang wala gin-detalye kun pila ang balor.
