ILOILO CITY – Wala sang may nakita nga imminent threat sa peace and order situation sang pungsod ang Department of National Defense (DND) sa tion sang national and local elections.
Suno kay Defense Secretary Delfin Lorenzana, ang pagpatigayon sang election ang mangin generally peaceful bangud sang pagpanghanda sang mga otoridad.
Gindugang niya nga ang mga lugar nga high risk sa poll-related violence ang ginpaidalom na sa idalom sang Commission on Elections (COMELEC) control.
Apang suno kay Lorenzana, indi malikawan ang away sa tunga sang mga kandidato apang isolated case gid lamang.
Gindula man sini ang kahangawa nga may yara sang matabo nga kinagamo pagkatapos nga ma-proclaim sang COMELEC ang nagdaog.
Nahibaluan nga naglab-ot sa 40, 000 ka mga soldado ang gin-deploy para sa eleksyon sa bilog nga pungsod.
Una na nga ginpahayag sang kapulisan nga gina-imbestigaran na ang claims nga “poll sabotage” nga ginapahayag sang pila ka presidential contenders.
Ginpasalig man ni Presidente Rodrigo Duterte nga mangin malinong kag matawhay ang eleksyon sa masunod nga semana.
Nahibaluan nga ginabanta 65.7 million ang domestic voters ang ginalauman nga magboto para sa national kag local positions sa Lunes, Mayo 9.
