Ginatutukan sang Department of Tourism ang domestic market agud mapabilin nga steady ang industriya sang turismo samtang wala pa naangkon sang pungsod ang herd immunity batok sa COVID-19.
Suno kay Department of Tourism Undersecretary Benito Bengzon Jr., isa sa stratehiya ang pagtutok anay sa domestic tourism bangud 10 percent pa lamang sang kabug-usan nga populasyon sang pungsod ang nabakunahan.
Pahayag ni Bengzon, apisar may pandemya, bentaha man ini bangud may malapad kag dako nga domestic tourism base ang pungsod.
Bangud sini, ginapanan-aw sang Department of Tourism nga mabalanse sang domestic tourists ang ekomomiya sang pungsod, mapadayon ang operasyon sang pila ka mga enterprises kag mapabalik ang livelihood sa lebel sang komunidad.
