ILOILO CITY – Nagpahayag sang maayo nga outlook ang Department of Tourism para sa Philippine tourism matapos nga nalapawan sini ang year-end target nga 4.8 million tourist arrivals.
Suno kay Tourism Secretary Christina Garcia Frasco, as of December 12, ang international visitor arrivals sa pungsod ang naglab-ot sa 5.070 million, nga nag-contribute sang P439.5 billion.
Sa nasambit nga numero, 4,658,123 ukon 91.88 percent ang foreign tourists, samtang ang nabilin nga 411,629 ukon ang 8.12 percent ang ginabug-usan sang overseas Filipinos.
Nagapanguna ang South Korea nga ginasundan sang United States of America, Japan, China, Australia, Canada, Taiwan, United Kingdom, Singapore, kag Malaysia.
Ang ini nga figure ang nagakahulugan sang mas madamo nga trabaho para sa mga Filipinos.
