Magalunsar ang Department of Trade and Industry (DTI) sang isa ka imbestigasyon agod mahibaluan kon bala ang pagdugang sang importasyon sang semento nagatuga ukon nagapamahog nga magtuga sang daku nga halit sa domestic industry.
Suno kay Trade Secretary Ma. Cristina Roque, santo sa Section 6 sang Republic Act No.8800 ukon Safeguard Measures Act nga nagasaad nga ang DTI Secretary mahimo nga mag-umpisa sang preliminary safeguard investigation kon may yara sang ebidensya nga ang dugang nga pag-import sang ginakonsiderar nga produkto ang mangin pamahog sa isa ka partikular nga lokal nga sektor sang produkto.
Ang una nga imbestigasyon magasakop sang pag-import sang semento halin sa mga tuig 2019 tubtob 2024.
Ang pag-usisa gin-trigger sang ebidensya nga ginhatag sa DTI samtang ang mga importasyon sang semento naglab-ot sa 51% sang Hunyo 2024.
Ginhatagan man pagtamod sang Trade Department nga ang pagbaligya sang domestic cement industry nagnubo halin sa P79 billion sang 2019 pakadto sa P64 billion sang 2023.
