Nagapati ang Department of Trade and Industry nga mabatak sang Creative Industries ang ekonomiya sang Pilipinas sa tion nga matapos na ang pandemya.
Suno kay Trade Secretary Ramon Lopez, kabug-usan nga 305,070 ukon 30.5 percent sang mga establisemento sa pungsod ang nalakip sa creative sector humalin sang nagligad nga tuig, apang kadam-an diri ang ginlockdown sang nag-umpisa ang pandemya.
Pahayag ni Lopez, nakarekord ang nasambit nga sektor sang 4.8 million ukon 11.3 percent nga total employment sang 2019.
Ang total creative exports sang amo man nga tuig ang nagsaka sa $6.8 billion ukon 6 percent sang total outbound shipments, samtang ang industry investments ang nagabalor P281 million.
Dugang pa ni Lopez, sang 2018 nagpanguna ang pungsod sa Association of Southeast Asian Nations (ASEAN) para sa creative services exports kag ika-lima naman sa total creative exports.
