ILOILO CITY- Nagalab-ot sa kapin P2.5 billion ang kinahanglan sang Department of Education sa Antique agud masolusyunan ang shortage sini nga 986 ka mga classrooms.
Suno kay DepEd engineer Rex Galero, ginaengganyo nila ang local kag nasyonal nga panguluhan nga magbulig sa ila.
Apisar nga may ginapatindog subong nga 12 ka classrooms nga napondohan sa idalom sang 2023 budget, kag 28 classrooms subong nga tuig, tuman ini ka kulang.
Pahayag ni Galero, ini nga classroom shortage ang resulta sang pag- establisar sang integrated high schools, reconstruction sang bag-o nga classrooms kag ang iban ang gin-guba sang bagyo Odette.
Sa subong, ang iban nga bag-o nga integrated high schools ang nagapatigayon sang klase sa mga makeshift classrooms nga ginhatag sang local government units.
Ang Antique may kabilugan nga 136,691 ka mga estudyante sa public schools para sa subong nga school year.
