ILOILO CITY – Igapatawag sang Department of Education Division of Iloilo ang manunudlo nga ginreklamo sang iloy sang pagpanakit sang iya bata sa Pili Elementary School sa Ajuy Iloilo.
Sa exclusive interview sang Bombo Radyo, ginpahayag ni Dr. Myrna Castillo, Schools Division Superintendent, wala pa nila mabaton ang formal written complaint batok sa manunudlo kag nakit-an gid lamang ang pilas sa ibabaw sang wala nga kilay sang Grade 2 pupil paagi man sa Facebook Post sang Bombo Radyo Iloilo.
Ginpahayag dugang ni Dr. Castillo nga ipatawag nila ang ginareklamo nga manunudlo nga si Herna Gonzales kasunod man sang paghaboy sini sang lipak nga nag-igo naman sa agtang sang pito ka tuig nga bata kag amo man ang tagreklamo nga iloy nga si Rhemia Mabulac.
Ginpahanumdom naman ni Castillo sa mga manunudlo nga may layi na batok sa Child Bullying.
Suno pa kay Dr. Castillo, indi ini gusto nga madula ang respeto sang publiko sa mga manunudlo.