ILOILO – Gin-ako sang Department of Education nga may yara sang sala sa mga modules nga ginpanghatag ilabi na sa elementary students.
Ini ang kasunod sang viral post sa social media tuhoy sa sala nga kaundan sang modules nga ginahatag sa mga estudyante.
Sa interview sang Bombo Radyo kay Dr. Lea Belleza, Program Supervisor kag spokesperson sang Department of Education Region 6, iya ginpahayag nga apisar nangin madinalag-on ang pagbukas sang klase apang indi man mahinago nga may yara sang kakulangan ang ahensya.
Suno kay Belleza, may yara sang pagpanghanda may kaangtanan sa blended learning apang indi man malikawan nga may yara kun kaisa sang sala sa content kag sa printing sang module apang ini ang nagakadapat nga i-verify sa Department of Education.
Sa tion nga may yara sang errors sa modules, mas makapaayo suno kay Belleza nga ipalab-ot ang reklamo sa school authorities sa baylo nga i-post sa social media.
