Gin-aprubahan na sang Department of Education (DepEd) ang dugang nga sweldo sa mga private school teachers sa idalom sang Teacher’s Salary Subsidy (TSS).
Halin sa P18,000, himuon na ini nga P24,000 umpisa sa school year 2025-2026.
Ini kasunod sa nangin direktiba ni President Ferdinand Marcos Jr. sa iya ikaapat nga State of the Nation Address (SONA) nga nagatuyo sa pagpasanyog sang kalidad nga edukasyon sa pungsod.
Suno kay Education Secretary Sonny Angara, kinahanglan nga e-balanse na ang compensation nga ginabaton sang mga manunudlo sa pribado nga eskwelahan sa ila mga counterpart sa pampubliko nga sektor agud mas mangin epektibo kag maayo ang pagtudlo.
Samtang ang ang TSS naman ang isa lamang sa mga component sa idalom sang Government Assistance to Students and Teachers in Private Education (GASTPE) program.
Ini nga programa ang naga-suporta sa mga full-time licensed teachers nga empleyado sang mga pribado nga eskwelahan nga kabahin sa Education Service Contracting (ESC) scheme, kag nagatudlo sang tatlo ka oras kada semana.
