𝗜𝗟𝗢𝗜𝗟𝗢 — Ginapanan-aw sang Department of Education (DEPED) nga magasaka ang numero sang mga enrollees sa Iloilo para sa School Year (SY) 2024-2025.
Sa interview sang Bombo Radyo kay Schools Division of Iloilo superintendent Dr. Ernesto Servillon, Jr., iya ginpahayag nga ginabanta 25% nga magasaka ang enrollees sa masunod nga school year bangud man sa migration para sa trabaho.
Suno kay Servillon, ginaekspektar sang departamento tagsa ka tuig ang pagtaas sang enrollees bangud man sa padayon nga pagtaas sang populasyon.
Ginpahayag man sini nga sa subong, may yara sang masobra 455,000 ka mga enrolled students ang Iloilo.
Nagpanugyan naman ini sa publiko nga buylogan ang mga programa sang ahensya agud maangkon ang madinalag-on nga pagbukas sang bag-o nga school year.
Masugod naman sa Hulyo 19, 2024 ang una nga adlaw sang Brigada Eskwela sa probinsya nga mangin preparasyon man sa pagbukas sang klase.
