ILOILO – Ginatugyan na lang sang Department of Education sa tagsa ka school head ang pagpaiway ukon ang pagpadayon sang school activities bangud sa Coronavirus Disease 2019 (COVID-19).
Sa interview sang Bombo Radyo Dr. Lea Belleza, Information Officer sang Department of Education 6, iya ginpahayag nga nakadepende na sa tagsa ka school head kun magapatigayon sang graduation ceremony ukon indi.
Sa subong suno kay Belleza, ang Scools Division of Iloilo pa lang ang nagdeklarar sang graduation cancellation kag ang certificates ang igapanghatag na lang direkta sa mga estudyante.
Ginpahayag ni Belleza nga santo sa original schedule, ang graduation ceremony ang patigayunon sa Marso 13 tubtub Abril 3.
