Nagpasalig ang Department of Education (DepEd) – Schools Division of Iloilo nga padayunon sini kag mas pabaskugon ang drug prevention kag education programs kag mga adbokasiya sa mga eskwelahan para malikaw ang mga kabataan sa iligal nga droga.
Ini nga statement ang kasunod sang insidente sa Janiuay, Iloilo kun sa diin isa ka Grade 9 student ang nakuhaan sang sachet sang illegal drugs sa iya medyas samtang yara sa eskwelahan sang Miyerkules sang hapon, Septyembre 4.
Sa amo nga on-the-spot inspection, nagpanindugan ang estudyante nga tawas ang nakit-an sa iya kag “trip trip” lang sini nga ibutang sa iya medyas.
Ang amo nga suspected shabu ang ginpa-examine sa Police Regional Office 6 samtang ginpaidalom naman sa drug test ang involved student kag padayon nga gina-monitor sang Municipal Social Welfare and Development Office (MSWDO).
“The Department of Education Schools Division of Iloilo is deeply concerned about the recent incident involving a learner found in possession of a suspected illegal substance during an on-the-spot inspection conducted inside a school in Janiuay, Iloilo,” suno sa press statement sang DepEd Iloilo.
Gindugang sini nga ginatib-ong gid sang talatapan ang zero-tolerance policy sa illegal drugs sa mga buluthuan. Pahayag pa sini, naghimo gilayon ang eskwelahan sang maabtik kag nagakaigu nga mga lihok nga may koordinasyon kag kooperasyon sa local police kag social welfare office.
“The Department of Education (DepEd) reaffirms its zero-tolerance policy towards illegal drugs in our schools. The school has taken immediate and appropriate actions, including coordination and cooperation with the local police and social welfare office. Our commitment to student safety remains unwavering, and we are dedicated to providing necessary support and rehabilitation for the affected student,” dugang sa statement.
Suno pa sa opisina, nagapabilin nga malig-on ang commitment sini sa safety sang mga kabataan kag nagapabilin man ini nga dedikado sa paghatag sang nagakaigu nga suporta kag rehabilitasyon sa apektado nga estudyante.
“Rest assured that DepEd will continue to enhance drug prevention and education programs and advocacies to ensure an enabling, supportive, and safe learning environment for our learners. We enjoin all our stakeholders to support us in this plight,” kabahin pa sang pahayag sang opisina.#
