ILOILO – May yara sang paathag sang Department of Education – Schools Division of Iloilo tuhoy sa na record nga 18 ka COVID-19 cases.
Sa interview sang Bombo Radyo kay Leonil Salvilla, Information Officer sang DepEd – Schools Division of Iloilo, iya ginpahayag nga sa nasambit nga numero, 9 ang manunudlo, 2 ang non-teaching personnel kag pito ang mga estudyante.
Suno kay Salvilla, as of October 8, naglab-ot na sa 10 ang naka-recover samtang pito pa ang active cases kag may isa ka 7 ka tuig nga estudyante sa banwa sang Dumangas nga napatay bangud sa COVID-19.
May tag duha ka COVID-19 cases nga na record sa Badiangan, Batad, Dumangas kag Estancia samtang may tag-isa naman sa Carles, Balasan, Barotac Nuevo, Dingle, Guimbal, Miagao, Sta. Barbara, Zarraga kag San Miguel.
May kaangtanan diri, may isa man ka personnel nga taga syudad sang Iloilo nga nagpositibo sa COVID-19 kag wala pa nakumpirma kun paano nalatnan sang virus ang mga pasyente.
