Na-record sang Schools Division Office (SDO) Iloilo ang 70 ka mga manunudlo nga nag-resign sugod sang Enero tubtob subong nga bulan sang Septyembre.
Sa interview sang Bombo Radyo kay kay Mr. Leonil Salvilla, Information Officer sang Schools Division Office Iloilo, iya ginpahayag nga out of 23,533 items, 21,355 diri ukon 90.74% ang filled position ukon nagatudlo sa primary and secondary schools sa Iloilo.
Suno kay Salvilla, indi madasig nga mahatagan gilayon sang posisyon ang isa ka manunudlo bangud kinahanglan gid nga sundon ang qualification sang hiring sa tagsa ka personnel.
Ginpahayag man sini nga kalabanan sa mga nag-resign nga manunudlo ang nagpadulong sa luwas sang pungsod agud nga magtrabaho.
Apang, may yara man nga manunudlo ang mas ginpili nga magtudlo sa state universities and colleges.
Nagpasalig man ang natungdan nga gina-extradite sang talatapan ang pagbulos sa mga vacant position nga nabilin sang mga nag-resign.
Nahibaluan nga sang nagligad nga tuig 2023, may yara sang 92 ka mga manunudlo ang nag-resign.
