Lubos nga nagakalisod ang Department of Education (Dep Ed) sa kamatayon sang mag-asawa nga manunudlo nga nabungguan sang Mazda MX5 sportscar sa Sen. Benigno Aquino Jr. Avenue Mandurriao, Iloilo City.
Nahibaluan nga ang mga biktima nga sanday Joe Marie Osano, 49, ang school principal sang La Paz II Elementary School, samtang ang asawa naman niya nga si Alnie Dinah Pet-Osano, 45, ang Officer in Charge sang Ticud Elementary School.
Sa interview sang Bombo Radyo Iloilo kay Dr. Clarissa Zamora, Assistant Schools Division Superintendent sa Division of Iloilo, iya ginpahayag nga napun-an sang emosyon ang ila nga flag ceremony bangud sa natabo sa ila pinalangga nga mga manunudlo.
Ginpakigbahin man sini nga bag-o pa man matabo ang aksidente, kaangay nga nakitaan na sang senyales ang lalaki nga Osano sa diin kaangay nga maluya ini.
Naka half mast na subong ang hayahay sang Pilipinas sa duha ka buluthuan bilang pagpakita sang kalisod sa natabo sa mga biktima.
Nagasinggitan naman sang hustisya ang mga manunudlo kag mga estudyante sa diin ila ginahingyo nga masilutan ang nakapiyansa nga driver sang Mazda MX5 sportscar nga si June Paul Valencia 32, sang Zone 4 Escarilla Subdivision Brgy. Airport, Mandurriao, Iloilo City.
