Nagpasalig ang Department of Education (DepEd) nga i-deploy sini ang ginabanta 15,000 ka kuwalipikado nga mga manunudlo agud magpungko bilang mga principal subong nga tuig.
Ginsaad sini ang report sang Second Congressional Commission on Education (EDCOM II) nga nagapakita nga 55 percent sa mga pampubliko nga mga eskwelahan sa Pilipinas ang naga-operate nga wala sang principal.
Lakip sa factors nga ginlakip amo ang manubo nga passing rate sa National Qualifying Examination for School Heads, mataas nga turnover rate sang personnel, kulang nga kuwalipikado nga candidates, kag ang malawig kag mauti nga qualification processes.
Gin-cite man sang ahensya ang findings sang EDCOM II nga kulang ang mentoring, coaching, kag formal induction programs.
Bangud sini, iga-deploy sang DepEd ang 7,916 NQESH passers sang 2024 para nga mapun-an ang bakante nga posisyon para sa pagka-principal.
Base sa release, iga-reclassify sang Deped ang 14,761 Head Teachers (I-V) bilang School Principal I kadungan sang pag-patuman sang Expanded Career Progression Policy.
Ginabanta nga 954 Head Teachers VI kag Assistant School Principal II positions ang hatagan man sang titulo nga School Principal I.
“Under this process, acting school heads will be prioritized as ‘on-stream candidates,’ ensuring a faster promotion to principal roles. Eligible personnel undergoing retitling will also secure their rightful positions as principals in their designated schools,” suno sa DepEd.
Lakip ini sa plano para malab-ot ang 1:1 principal-to-school ratio sa 2026.
Una na nga ginpahayag ni Education Secretary Sonny Angara nga isa ka “eye-opener” ang kakulang sang school principals sa pungsod.
“So many of our schools operate without brains because that’s what our principals are, the brains of our schools. Rest assured, DepEd is taking swift action to address this problem,” kabahin sang statement sang tiglikom.#
