ILOILO CITY- Maga-hire ang Department of Education (DepEd) sang kapin 5,000 ka mga personnel agud mabuhin sa mga manunudlo ang ila ginapas-an nga administrative tasks.
Ang proposal para mag-hire sang personnel sa 2024 ang igapasa sa Department of Budget and Management.
Para sa 2025, dugang nga 20,000 ang target nga i-hire, nga igalakip sa proposed budget sang departamento.
Suno kay Department of Education director Mario Bermudez, maga-release ang ahensya sang dugang nga policy sa rationalization sang teachers’ workload nga magapatpat sang functions nga ipabilin sa mga manunudlo.
Nasaad sa DepEd Order 005 (series of 2024) nga ang mga manunudlop ang gina- require lang nga mag- render sang indi magnubo sa anom ka teaching hours sang trabaho kada adlaw.
Ang duha ka oras ang ipain sa iban nga teaching-related tasks pareho sang preparasyon para sa leksyon sa masunod nga adlaw.
Ang mga manunudlo ang hatagan sang vacation service credits para sa trabaho nga gin-render nga masobra sa sini nga duha ka oras.
Una na ginplastar ni Pasig Representative Roman Romulo, pinuno sang House committee on basic education nga base sa pagtuon, may indi magnubo sa 50 ka admin tasks nga ginaubra subong sang mga manunudlo nga nagakaon naman sang ila oras gikan sa pagtudlo sa classroom.
