May mga precautionary measures na nga ginahimo ang Department of Education (DepEd) agud nga malikawan ang dengue sa mga eskwelahan.
Sa interview sang Bombo Radyo kay DepEd Asst Regional Director Dr. Victor De Gracia Jr., iya ginpahayag nga may yara ginpatuman ang tagsa ka mga eskwelahan nga 3 o’clock habit agud nga tinlu-an ang palibot sang eskwelahan.
Ginpatuman man ang 4S strategy: search and destroy mosquitoes, seek early consultation, self-protective measures kag say no to indiscriminate fogging.
Suno kay De Gracia, ginapanugyanan man ang mga estudyante nga magsuksok sang malaba nga medyas agud malikawan nga makagat sang lamok.
Dugang pa sang natungdan, may yara man mga kaso sang mga nakaligad nga tuig nga nag positibo sa dengue ang estudyante.
