Nagapangabay ang Department of Education (DepEd) sa mga ginikanan nga indi pagsabtan ang mga modules ukon work sheets sang ila mga kabataan nga naga-eskwela.
Gin-athag ni Education Undersecretary Tonisito Umali sa isa ka online media forum subong nga Domingo, Oktubre 4, nga ang responsibilidad sang ginikanan amo lamang ang pag-guide sa mga estudyante agud makatuon sila.
“Hindi po sila ang dapat sasagot ng pagsusulit o takdang aralin o gawaing pang-upuan ng mga bata. Klaro po ‘yan. Ang mahalaga po nito, siguruhin niyo lamang na sa paraan ng paggabay niyo ay natututo ang mga bata,” pahayag ni Umali.
Ginpahayag ni Umali nga apisar wala sang face-to-tace classes bangud sang coronavirus disease 2019 (COVID-19) pandemic, may mga nabalay man nga mga sistema ang mga eskwelahan agud mahibaluan kun nahangpan sang mga estudyante ang ila mga leksyon.
Magluwas diri, nagasapol man ang mga ginikanan agud mabinag-binag kun paano mapauswag ang pagtuon sang ila mga leksyon.
Bwas nga adlaw, Oktubre 5, maga-umpisa ang klase sa pampubliko nga mga eskwelahan
