Nagresulta sa masobra P2 billion nga infrastructure damage sa mga pampubliko nga mga eskwelahan ang Bagyo Kristine antes ini nakaguwa sa Pilipinas.
Suno sa Department of Education (DepEd), 38,333 schools sa 191 divisions sa 16 ka mga rehiyon ang apektado sang amo nga bagyo.
Base sa inisyal nga reports, 753 schools ang na-expose sa secondary hazards kag mga insidente kaangay sang baha kag landslides.
Gin-report man sang ahensya nga 601 ka mga eskwelahan ang ginagamit nga temporary shelters ukon evacuation centers para sa apektado nga mga pamilya.
Base sa rapid assessment sang DepEd, 863 classrooms ang totally damaged samtang 1,026 classrooms ang partially damaged.
Kinahanglan man ang P2.67 billion (P2.1 billion sa reconstruction kag P513 million sa major repairs) para nga makaaayo ang amo nga mga imprastraktura.
