ILOILO CITY – Nagapanawagan ang Department of Education sa mga estudyante kag manunudlo sa tagsa ka mga buluthuan sa syudad sang Iloilo nga magbuligay sa pagtapna sang dengue.
Sa interview sang Bombo Radyo kay OIC – Schools Division Superintendent Clarissa G. Zamora, iya ginpahayag nga kinahanglan ula-on ang mga tubig sa mga container agud nga indi matiniran ukon maitlogan sang lamok.
Nagakadapat man nga tinluan ang palibot sang eskwelahan sa diin ginapangunahan sang city health office kaupod ang Division of Iloilo ang pagpatigayon sang misting.
Suno kay Zamora, wala man sila sang mga report nga nabaton nga may yara sang mga buluthu-an nga ginabaha bangud isa man sa proyekto amo ang pagpahamtang sang mga drainage system.
Dugang pa sang natungdan, kinahanglan sa gihapon nga mag-umpisa sa komunidad ang pagpaninlo agud nga malikawan ang ano man nga sahi sang balatian ilabi na ang dengue nga nagapadayon ang pagsaka sang numero sang mga kaso.
