ILOILO CITY– Nagapangayo sang suporta kag paghangop ang Department of Education tuhoy sa plano nga pagbukas sang klase sa Agosto 24.
Sa interview sang Bombo Radyo kay Dr. Lea Belleza, Spokesperson sang Department of Education 6, iya ginpahayag nga nagapangayo ang ahensya sang suporta sang Local Government Unit, ginikanan, media kag bug-os nga komunidad sa nagahilapit nga pagbukas sang klase.
Suno kay Belleza, nabudlayan ang ahensya sa pagpatuman sang new normal sa pagbalik sang mga estudyante sa eskwelahan.
Ginpahayag ni Belleza nga kadungan sang pagbukas sang klase, ginasigurado sang ahensya nga safe ang mga estudyante pinaagi sa pagpatuman sang physical distancing kag pagpasuksok sang face mask.
Magluwas diri, wala man ginadula ang posibilidad nga magpatigayon sang school on the air apang ginapangitaan pa sang paagi kun paano ini mapatuman.
