ILOILO CITY — Nagpahanumdum ang Department of Education (DEPED) – Schools Division of Iloilo City sa mga school heads nga kinahanglan indi garboso ang graduation ceremony kasunod sang nagahilapit nga pagtakop sang school year 2023-2024 subong nga Mayo.
Sa interview sang Bombo Radyo kay Dr. Ma. Luz Delos Reyes, Iloilo City Schools Division Superintendent, iya ginpahayag nga
ginadumilian ang pagpabayad ukon pagkolekta sang mga balayran para sa graduation sang mga estudyante.
Suno kay Delos Reyes, wala sang authorize personnel ukon manunudlo ang ginpahanugutan sang DepED nga magapanukot sa mga estudyante, sa diin mas ginapakamaayo nga simplehon lamang ang paghiwaat sang graduation.
Nagpanugyan man ini nga kun may mahibaluan nga mga nagapanukot nga manunudlo, gilayon nga i-report sa ahensya agud mahatagan sang igtalupangod kag solusyon.
