ILOILO CITY — Preparado na ang Department of Education (DepEd) para sa pagpatuman sang Grade 12 nga component sang K-12 program sa hunyo subong nga tuig.
Ginpahayag ni DepEdAsst. Secretary Tonisito Umali sa exclusive interview sang Bombo Radyo nga may 55 thousand dugang nga mga teachers para sa Grades 11 kag 12 subong nga tuig, wala pa labot ang nauna na nga 76 thousand nga ginhire sang ahensya sang nangligad nga tuig.
Dugang pa ni Asec. Umali nga bastante naman ang numero sang mga manunudlo base sa pagtuon sang DepEd para sa k-12 program.
Padayon naman ang pagpang-obra sang mga classrooms para as K-12 program sang Department of Education (DepEd).
Suno kay Asec Umali, dyutay nalang nga numero sang classrooms ang ila paga lagson nga mahuman subong nga tuig tungod nakaumpisa na sang pagpatukod sang mga bag-o nga buildings asngnangligad nga tuig.
May kaangtanan naman sa mga libro, aminado ang DepEd Asst Secretary nga nabudlayan sila sa procurement process kag tungod man sini, ginahanda na nila ang pondo nga inugdownload para sa paghanda sang modules sa incoming Grade 12 sa idalom sang K-12 program sang Department of education.
Si Umali ang nagpadulong sa rehiyon agud magpanguna sa pag-inspeksiyon sang probinsya sang Antique nga amo naman ang mangin sang subong nga tuig nga Palarong Pambansa 2017.