Nagpalab-ot sang pagpakig-unong ang Department of Education sa pamilya sang duha ka nagtaliwan nga estudyante sang Cauayan South Central School matapos ang mga ini nga nakuryente sa Color and Bubble Fun Run nga gin-organisa sang buluthuan.
Base sa reports, apat ka estudyante ang nakuryente, apang duha diri ang gindeklarar nga dead on arrival; isa ang nakaguwa na sa ospital; kag isa naman ang nagapabilin pa nga ginabulong.
Suno sa DepEd, padayun ang imbestigasyon sang mga awtoridad sa insidente kun sa diin nagapakig-angot man sila sa Local Government Unit sang Cauyan.
Naghingyo man ini sa publiko nga likawan ang pagpalapta sang wala sang basehan nga mga akusasyon, pangalan sang mga estudyante kag paghatag man sang respeto sa pamilya sang mga biktima.
